What is Digital Marketing in Hindi?

Saathiyon aaj hum aapko batate hain ki Digital marketing kya hota hai aur kyon itna jaruri hai aaj ka time Digital time hai aaj har koi internet par search karta rahta hai bhale hi usko kuch bhi lena ya khareedana ho. Aaj 70%-80% tak log online purchasing karate hain jaise ticket booking, bill bhugtan, phone ya mobile recharge, online transaction, food ordering, aadi. Aise mein har koi company yaa business ke liye Digital marketing important  ho jati hai. Sadharan shabdon mein apni sevaon aur products ko Digital medium se marketing karane ko hi Digital marketing kaha jata hai.

डिजिटल मार्केटिंग क्या हैं ?

Vah sabhi marketing jo digital device (Computer/ Smartphone etc) ke use se ki jati hai Digital Marketing kahlati hai.Digital Marketing me internet, computer or electronic media ke jariye ki jane vali marketing shamil hai, ise online marketing bhi kahte hai, isme business ke liye social media, mobile, email, SEO, SEM aadi ka use hota hai.
Digital Marketing ke sath aap advertisement content- for example- hoarding ya print vigyapan aadi ki tulna me apne campaigns ki nigrani ke liye analytics dashboard jese tool ka bhi use kar sakte hai.

Aaj ke time me digital marketing me jame rahne ke liye digital marketing bahut jaruri hai. Digital marketing ka use regular badhta hi ja raha hai, kaha gaya hai to digital marketing hi ekmatra aisa sadhan hai jiske madhyam se kam samay aur kam kharche par behtar result la sakte hai pahle log patra, daak, ya vigyapan ka sahara lete the lekin aaj logon ka trust bhi digital market ki or bad raha hai.

Digital marketing me aap apne products aur services ki sale ko bina market me ho kar badha sakte hain, aaj log jo buy krna hota hai vahi search karte hai.

Digital Marketing ke prakar (Types of Digital Marketing)

Digital Marketing kai prakar ki hoti hai. Isame Digital media ke alag-alag medium ka use kiya jata hai jisse adhik se adhik customer tak pahuncha ja sake. To chaliye ab hum jaante hain Digital Marketing ke prakar kya hai (Digital Marketing ke type).

Digital Marketing vaise to kai prakar se ki ja sakti hai lekin yahan par best Digital Marketing platform ke baare mein baat karenge jin Digital Marketing rananeetiyon ka istemaal jyadatar kiya jata hai. Vise to business promotion ke liye internet par ki jane vali sabhi gatividhi internet marketing ka hi part hota hai.

Social Media Marketing (SMM)

Social Media internet par sabse jada use kiya jane wala sabse important platform hai. Social Media Marketing, Digital Marketing ka hi ek important part hai.

"Social Media Marketing me social media platform jese ki facebook, instagram, twitter, ya website aadi ka use karke apne products or service ko badhava diya jata hai."

Social Media platform me facebook number 1 platform hai. Isake baad youtube, Twitter, Instagram or Snapchat aate hain. Social Media Marketing me product ko promote karne ke liye sabhi social network sites ka gyan hona chahiye. Social Media Marketing Target Audience tak aasani se pahunch sakata hai aur yah sasta bhi hota hai.

Content Marketing 

Content Marketing ek aisi kala hai, jisme koi bhi marketer, Story Telling or valuable information provide karke apne brand ke prati logon mein jagarukta paida karta hai aur Target Audience ko company ke liye ek Profitable Customer ke roop mein convert karne ka kam karta hai.

Content Marketing ke lakshya vigyapan se hatkar  partner users ke sath ek healthy Relationship banana hota hai. Content Marketing, Content par nirbhar hoti hai aur SEO marketing se judi hoti hai.

Search Engine Optimization (SEO)

Search Engine Optimization ek aesi technique hai jiske dwara blog ya website pe content ko optimize kar organic and natural traffic ko blog ya website pe lane ke liye targat kiya jata hai.

Search Engine Optimization me search engine me search kiye gaye keyword ka use kar use website ya blog pe liya gaya ho to us website ko search engine SEO ke anusar priority deta hai. Website ya blog ka SEO kai type se kiya jata hai.

Search Engine Marketing (SEM)

Search Engine Marketing me search engine se paid traffic ko gain kiya jata hai. Search engine kuch keyword ke liye paise charge karke add space deta hai or un keywords ke liye add ko show karta hai. 

Google search engine mein ads ko dikhane ke liye Google Adword pe sinup kiya jata hai.

Pay Per Click (PPC)

PPC advertising mein advertiser ke dwara diye advertisement pe PER CLICK ke hisab se pay kiya jata.

Affiliate Marketing

Affiliate Marketing me kisi company ke kisi company ke affiliate link ka use apne website ya blog ya kisi other social media platform pe use karke apne products ya service lene ke liye marketing karte hai. iske liye kuch commission blog owner ko diya jata hai.

Current time me Amazon jesi kai ecommerce company uske seller ko affiliate marketing karne ke liye commission deti hai. 

  

Email Marketing

Email ke madhyam se ki jane vali marketing ko Email Marketing kahte hai. Email marketing sabse jada conversion rate dene vali marketing hai, iske liye aapko users ke emails ko collect karna hota hai. Or unhe samay-samay par apne product or services ke bare me mail ke dawara update karna padta hai.